抱歉拖得有点久，苏美尔语版学问猫吉尔伽美什在做了，过两天应该就能发，不过目前只能发上半段，翻译太头疼了，更别说这边还是高中生了。
以下是全文（部分，剩余见评论区）的楔形文字原文和转写：
𒌝𒈪𒀀𒂍𒁾𒁀𒀀𒋫𒇽𒅎𒈠𒁕𒀭𒊑
𒂍𒀀𒅇𒈬𒉌𒅔𒆭𒍠𒃲𒆷𒉈𒅔𒆪
𒌉𒂍𒁾𒁀𒀀𒆤𒋗𒆥𒀭𒆪𒅆𒉌𒂠𒀠𒁺
𒉆𒁾𒊬𒊏𒀀𒈾𒉈𒅔𒍪𒀀𒈾
𒀜𒁕𒈾𒋗𒈾𒁀𒉌𒅔𒋧
um-mi-a e₂-dub-ba-a-ta lu₂ im-ma-da-an-ri
e₂-a u₃-mu-ni-in-kur₉, zag gal-la bi₂-in-tuš
dumu e₂-dub-ba-a-ke₄ šu-kin an-dab₅ igi-ni-še₃ al-gub
nam-dub-sar-ra a-na bi₂-in-zu-a-na
ad-da-na šu-na ba-ni-in-šum₂
𒀜𒁕𒉌𒊮𒄾𒆷𒉌𒋫
𒀜𒁕𒂍𒁾𒁀𒀀𒅗𒉌𒅗𒄾𒁀𒉌𒅔𒌣
𒇽𒌉𒈬𒋗𒉌𒄿𒉌𒅔𒁁𒁺𒆬𒍪𒄿𒉌𒅔𒆭𒊑𒂗
𒉆𒁾𒊬𒊏𒃻𒃴𒃴𒈠𒁉𒈬𒉌𒅔𒅆𒊒𒅆𒊒𒉈𒂗
𒊮𒁾𒁀𒋃𒃻𒋃𒆠𒁔𒁔𒊏𒁉𒅆𒈬𒌦𒈾𒋛𒂵𒀸
𒄖𒋧𒈠𒆠𒌋𒌆𒌋𒌆𒆷𒁉𒈦𒄘𒃼𒈬𒈾𒀭𒌓𒁺
ad-da-ni šag ḫul₂-la-ni-ta,
ad-da e₂-dub-ba-a-ka-ni gu₃ ḫul₂ ba-ni-in-de₂:
"lu₂-tur-ĝu₁₀, šu-ni i-ni-in-bad-ra₂, kug-zu i-ni-in-kur₉-re-en.
nam-dub-sar-ra niĝ₂ galam-galam-ma-bi mu-ni-in-pad₃-pad₃-de₃-en,
šag dub-ba šid niĝ₂-ka₉ ki bur₂-bur₂-ra-bi igi mu-un-na-sig-ga-aš
gu-šum₂-ma ki dul-dul-la-bi dalla mu-na-an-e₃!"
𒁉𒅆𒂟𒂊𒉈𒅕𒌣𒈬𒈾𒀭𒍢𒂗𒄑𒍎𒁺𒈬𒈾𒀊
𒉌𒄭𒂵𒊮𒂵𒈾𒀀𒁶𒈪𒉌𒅁𒁄𒁄
𒌆𒂵𒉌𒌆𒃻𒂵𒈾𒁀𒄯𒋗𒈾𒂵𒉈𒆕
𒁉𒇽𒈬𒈾𒌣𒄑𒍎𒈬𒈾𒁺
𒉌𒄭𒂵𒊮𒂵𒈾𒀀𒁶𒈪𒉌𒅁𒁄𒁄
𒌆𒈬𒉌𒌆𒃻𒈬𒈾𒀭𒁀𒄯𒋗𒈾𒉈𒅔𒆕
kaš sag₁₀ e-ne-er de₂-mu-na-an-ze₂-en, {ĝeš}bansur gub-mu-na-ab;
i₃ du₁₀-ga murgu₂ šag-ga-na a-gen₇ mi-ni-ib-bal-bala;
tug₂ ga-ni-mur₁₀ niĝ₂ ga-na-ba ḫar šu-na ga-bi₂-du₃.
kaš sag₁₀ lu₂ mu-na-de₂, {ĝeš}bansur mu-na-gub;
i₃ dug₃-ga murgu₂ šag-ga-na a-gen₇ mi-ni-ib-bal-bala;
tug₂ mu-ni-mu₄ niĝ₂ mu-na-an-ba ḫar šu-na bi₂-in-du₃.
𒌝𒈪𒀀𒊮𒄾𒆷𒉌𒋫𒆃𒈬𒈾𒀭𒁺
𒇽𒌉𒅗𒈬𒂠𒄘𒇷𒉈𒆕𒀀𒇷𒉈𒀝
𒉆𒁾𒊬𒊏𒊕𒁉𒍑𒊓𒀀𒍠𒁉𒂠𒉌𒁁𒆷
𒃻𒈾𒈨𒆷𒁀𒀭𒄃𒁉𒈾𒍪𒋗𒈬𒂠𒈬𒂊𒋧𒈠
𒃻𒁀𒀉𒊨𒀀𒋛𒀀𒈪𒉌𒅔𒃻𒊏𒉆𒂂𒈬𒂊𒈭𒀀𒀭
um-mi-a šag ḫul₂-la-ni-ta šud₃ mu-na-an-gub:
"lu₂-tur inim-ĝu₁₀-še₃ gu₂ li-bi₂-du₃-a li-bi₂-ak
nam-dub-sar-ra saĝ-bi us₂-sa-a zag-bi-še₃ i₃-til-la
niĝ₂ na-me la-ba-an-gib-be₂-na-zu šu-ĝu₁₀-še₃ mu-e-šum₂-ma
niĝ₂-ba ha₂-kuš₂-a dirig mi-ni-in-ĝar-ra, nam-dugud mu-e-taḫ-am₃"
